Ангилал: Мэдээлэл

Энэ хичээлийн жилээс ЗТС-д суралцахыг хүссэн хүмүүсийг нас, боловсрол харгалзахгүй бүгдэд хүртээмжтэйгээр сурагчдыг элсүүлж эхэлжээ. Үүнд: Эрдэнэт хотын хэмжээний сургуулиудын бага бүлгийн сурагчдаас гадна ГОК-д үйлчлэгч, засварчин ажилтай хүмүүс олноороо дугуйланг сонирхож хичээллэж байжээ. Тухайн хичээлийн жилд нисэх загварын багшаар С.Нарангэрэл 19 сурагчидтай, авто загварын багшаар П.Лхагвасүрэн 11 сурагчидтай, Радист мэргэжлийн багшаар Б.Батбаатар 17 сурагчидтай, Усан загварын багшаар Ц.Гансүх 1а-12, 1б-13, 2а-12 сурагчидтай ажиллаж байв. Нийт 4 төрлийн дугуйланд 6 бүлгийн 84 сурагчид хичээллэв. Багш нар хичээл сургалтандаа “Юнный техник”, “Модениет конетруктар” гэсэн орос сонин, сэтгүүлийг өргөнөөр ашиглаж байлаа. Холбооны газар, Хивсний комбинат, Худалдаа бэлтгэлийн удирдах газрын албан газруудад үйлчлэх дэлгүүр, 119-р цэргийн анги, Материал Хангамжийн удирдах газар, Эмийн сангийн удирдах газар, Уулийн баяжуулах үйлдвэр зэрэг байгууллагуудтай нягт хамтран ажиллаж сургалтанд ашиглагдах материаллаг баазаа бүрдүүлдэг байв. Сансарын нисэгчдийн өдөр 4-р сарын 12-нд жил бүр уламжлал болгон зохиогддог пуужин загварчдын хотын аварга шалгаруулах тэмцээнийг туузат, шүхэрт, ракетилан гэсэн гурван төрлөөр пионер сурагчдын дунд зохион станцын зүгээс диплом, дурсгалын зүйлээр шагнаж байжээ.