Ангилал: Хүмүүс
БАТ-ОЧИРЫН ЖҮГДЭР
1940 онд төрсөн. 1950-1960 онд Булган аймгийн Могод сумын 7 жил, Булган аймгийн төвийн 10 жилийн сургууль, 1960-1964 онд МУИС-ийн математикийн багшийн ангийг төгссөн. 1964-1974 онд Булган аймгийн төвийн 10 жилийн 1-р сургуульд математикийн багш, Аймгийн Гэгээрлийн хэлтэст байцаагчаар ажиллаж байгаад 1974 онд Эрдэнэт 10 жилийн 1-р дунд сургуульд анхны математикийн багшаар ажиллаж, эрдэнэтийн анхдагч багш нарын нэг болж байлаа. 1994-1996 онд Өсвөрийн зохион бүтээгчдийн сургуульд багшаар байгаад өндөр насны тэтгэвэрт гарсан. Ажиллах хугацаандаа гол төлөв ахлах ангийн математикийн сэтгэлгээг хөгжүүлэхэд анхаарч ажиллаж байлаа.
Гавъяа шагнал: Ардын боловсролын тэргүүний ажилтан, Ардын боловсролын яамны “Жуух бичиг”, Ардын хувьсгалын 60, 70, 80 жилийн ойн медаль, Төрийн дээд шагнал “Алтан гадас” одонгоор шагнуулсан байна.
