Ангилал: Хүмүүс
ДАГВЫН БАТЧУЛУУН
1947 онд Архангай аймгийн Өндөр-Улаан сумын Цуурай хэмээх газарт төржээ. 1968 онд Архангай аймгийн Багшийн сургууль, 1982 онд УБДС төгссөн. 1968-1976 онд Архангай аймгийн болон Улаанбаатар хотын сургуульд багш, 1976-1999 онд Орхон, Булган аймаг, Орхон аймгийн Жаргалант сумын сургууль, Улаанбаатар хотын 1-р сургуулиудад багш, 1993-2001 онд Эрдэнэт Хотын 8-н жилийн тусгай 7-р сургуульд тусгай хэрэгцээт боловсролын багш, 2005-2007 онд албан бус боловсролд багшилж байлаа. Д.Батчулуун нь 1991 онд “Ар хонгорж” ХХК, 1997 онд улсын 25 дахь заан нагац ах Бямбасангийнхаа алдрыг сэргээх зорилгоор “Элсэн нуур” нөхөрлөлийг байгуулж охин, хүү хоёртоо өвлүүлж өгөхөөр ажиллаж байна. 2005 онд ахмадын зөвлөлийн гишүүнээр ажиллаж, хүмүүсийн сайн, сайхан аж төрөхөд тус дэмжлэг үзүүлэхийн төлөө зорьж явна.
Гавъяа шагнал: БСШУЯ-ны хүндэт жуух бичиг, Ардын боловсролын тэргүүний ажилтан, Боловсролын байгууллага үүсч хөгжсөний 90 жилийн ойн медалиудаар тус тус шагнагдаж байсан.
